4 Agricola et uxor

Gallus bene mane surgit, ut semper. Uxor agricolae clamat: "Galle, tace!" Postremo agricola et uxor agricolae surgunt. Primo paullulum aquae bibunt, ut mos est Romanis.

Deinde incipiunt laborare. Agricola vaccam mulget. Tecta sarcit. Uxor vero agricolae prandium curat. Clamat marito: Veni! Prandium iam paratum est! Agricola respondet: Medius fidius stomachus cavus est. Ad mensam considunt incipiuntque edere. Aquam vinumque bibunt. Caseum olivasque edunt. Vinum olivaeque ex ipsorum terra provenit. Caseus e vaccis provenit.

Post prandium agricola exit. Gallinas vult visitare ovaque colligere. Gallinis clamat: Tacete etiam! Ova mihi date! "Hodie laganum ex ovis facere paro," uxor dicit. Desiderium cenae agricolam iam tenet. "Ego libenter laganum edo," dicit.