2 Ursus amicum visitat placentamque gustat

Hodie ursus amicum visitat. Amicus valde gaudet, cum ursus ianuam pulsat. Io io, aliquis ianuam pulsat! Aliquis me visitat! Quis es, vocat. Tum, cum ursum cognoscit, vocat: Ianua iam aperta est!

Ursus intrat amicumque salutat: Salve, quid agis? Ursum amicus salutat: Ego bene valeo. Ursus inquit: Caelum frigidum est. Quid facis dum caelum frigidum est?

Amicus respondet: Cum caelum serenum est, exeo perque silvam ambulo mandatumve aliquod efficio. Dum caelum frigidum est, domi maneo. Nihil fere facio. Aliquantulum maereo. Taedet. Fortasse placentam efficio edoque.

Per fortunam nunc ades! Nunc quidem placentam solus non edo! Utrum aquam an cervisiam potas? Equidem libenter cervisiam poto, ursus respondit. Ita, ut vis! amicus dicit.

Placentam apponit. Ursus placentam gustat. Placenta ursum valde delectat. Quam bonum! ursus dicit. Mirum quantum placenta tua me delectat!