Boka tek for seg moderniseringsprosessane i Sverige og Noreg ved overgangen til det 20.hundreåret. Forfattaren viser korleis føresetnadene for moderniseringa var ulike i dei to landa, noko som gjenspegla seg i dei moderniseringspolitiske ordskifta. Medan utviklinga i Noreg vart sterkt prega av kulturell og politisk modernisering, vart økonomisk modernisering viktigare i svensk identitetsdanning. Med utgangspunkt i ulike moderniseringsteoriar drøftar forfattaren i kva grad desse prosessane reflekterte ulike former for rasjonalitet i Sverige og Noreg, og korleis dette har prega dei to samfunna gjennom det 20.hundreåret. (fra forlagets presentasjon)